Les mots surlignés font l'objet d'une note
1Reçue à Valence, le 07 janvier 1574.
2Monsieur, nous sommes tant ayses en ceste cour
3de la convalescence de monseigneur, delivré
4de sa double quarte de la veillie de Noel, que
5nous ne nous enquerons guières des nouvelles
6d’ailleurs ; aussi n’est pas encor venue la
7saison d’en entendre de guières importantes, estant
8ce froid plus propre aulx deliberations qu’aulx
9executions, seullement sommes nous attendants
10le seigneur Don Jehan d’Austria d’un costé, et monsieur
11le duc d’Alba d’aultre, le premier venant dez
12Napples par Gennes à Nyce, pour aller en Espagne,
13le second venant des Flandres par le conté de
14Bourgogne à Chambery et ycy, soit pour attendre
15en Ytalie ce que y pourra survenir entre cy et
16l’esté prochain, ou pour passer aussi en Espagne,
17auquel cas ie croy qu’ilz s’embarqueroint tous
18deulx ensemble à Gennes, puis que leur voyage
19se rencontre en mesme temps, ce que pourroit avoir
20esté traitté entre eulx. Dieu nous doint, et à vous
21plus de repos d’ycy en là que ne vous en a esté
22et sur tant de lieux, dont lon se doubte que la
24bourrasque ne se descharge sur Avignon là où
25le secours envoyé par le pape ne arrivera pas sans
26dificulté bien grande et peult estre quelque danger
27plus favorables au passage que ilz ne sont esté
29à leur arrivée, qui fut de vray bien à l’impourveue
30n’en ayant les ministres du pape donné advis à ceulx du roy.
31[Marge gauche, en travers : Je retorne à prier Dieu de conduire le tout à bien et vous donner
32monsieur, en santé sa saincte grace, me recommandant humblement à la votre bonne
33Votre humble serviteur obeissant frère et vray amy
34A Turin, ce dernier de decembre 1573. Prins à janvier
35Montfort
36Si votre commodité ne vous permet de me escripre de voz nouvelles,
37les disant à ce porteur, il m’en fera le rapport.